GeorgeEagle Studio-მ საშინელებათა ჟანრის თამაში გამოუშვა

საქართველოში არსებულმა თამაშების სტუდია – GeorgeEagle Studio-მ ორწლიანი მუშაობის შემდეგ საშინელებათა ჟანრის თამაში – Walk To Light Didirosha გამოუშვა.

ამის შესახებ ინფორმაციას venatus-ი ავრცელებს.

თამაშის მოვლენები საქართველოში, მანგლისის ბნელ და მისტიკურ ტყეში ვითარდება. მოთამაშის მოვალეობაა თავი დააღწიოს სიბნელესა და არეულობებს.

როგორც უკვე აღვნიშნეთ, თამაშზე მუშაობა 2 წელი მიმდინარეობდა. საბოლოოდ კი თამაში PC პლატფორმაზე 5 ოქტომბერს გამოვიდა.

თამაში ხელმისაწვდომია, როგორც VR მოწყობილობით თამაშისათვის, ასევე მის გარეშეც.

თამაშის ყიდვა შესაძლებელია დამოუკიდებელი თამაშების ონლაინ სერვისზე Itch.io.