ახალი Samsung 970 EVO Plus – NVMe SSD – 2 ტერაბაიტამდე საცავი

კომპანია Samsung-მა წარმოადგინა ახალი ენერგოეფექტური Non-Volatile Memory Express (NVMe) SSD საცავები 970 EVO Plus, რომელიც მე-5 თაობის V-NAND ტექნოლოგიას ეფუძნება. ჩაწერის სიჩქარის ზრდა წინა თაობასთან შედარებით 50%-ია. მომხმარებლებს ასარჩევად 2 ტერაბაიტამდე მოცულობის მოდელები და 5 წლიანი გარანტია ექნებათ.

V-NAND ტექნოლოგია და სპეციალურად ოპტიმიზებული პროგრამული უზრუნველყოფა ახალ მოდელებში 53%-ით ზრდიან ჩაწერის სიჩქარეს. მიმდევრობითი წაკითხვის და ჩაწერის სიჩარე 3500 მბ/წმ და 3300 მბ/წმ იქნება, როცა შემთხვევითი წაკითხვის სიჩქარე 620 000 IOPS, ხოლო ჩაწერის წარმადობა 560 000 IOPS იქნება.

970 EVO Plus საცავები გამოშვებულია კომპაქტურ ფორმ-ფაქტორში M.2 – ინტერფეისით PCIe Gen3 x4, ასე რომ მათი გამოყენება სამაგიდო კომპიუტერებსა და ნოუთბუქებში იქნება შესაძლებელი. გარდა ამისა კომპანია Samsung-მა ახალ მოდელებზე შეზღუდული 5 წლიანი გარანტია ან 1200 ტერაბაიტი გადაწერა წარმოადგინა.

ტექნიკური მონაცემები:

	970 EVO Plus	970 EVO
ინტერფეისი	PCIe Gen 3.0 x4, NVMe 1.3	PCIe Gen 3.0 x4, NVMe 1.3
ფორმ-ფაქტორი	M.2 (2280)	M.2 (2280)
მეხსიერების ტიპი	Samsung 9x-ფენიანი V-NAND 3-bit MLC	Samsung 64-ფენიანიV-NAND 3-bit MLC
კონტროლერი	Samsung Phoenix	Samsung Phoenix
DRAM	2 გბ LPDDR4 DRAM (2 ტბ)1 გბ LPDDR4 DRAM (1 ტბ)512 მბ LPDDR4 DRAM (250/500 გბ)	2 გბ LPDDR4 DRAM (2 ტბ)1 გბ LPDDR4 DRAM (1 ტბ)512 მბ LPDDR4 DRAM (250/500 გბ)
მოცულობა	2 ტბ, 1 ტბ, 500 გბ, 250 გბ	2 ტბ, 1 ტბ, 500 გბ, 250 გბ
მიმდევრობითი სიჩქარე	3500/3300 მბ/წმ-მდე	3500/2500 მბ/წმ-მდე
შემთხვევითი სიჩქარე QD32)	620 000/560 000 IOPS-მდე	500 000/480 000 IOPS-მდე
მართვა	Samsung Magician Software	Samsung Magician Software
შიფრაცია	Class 0 (AES 256), TCG/Opal v2.0, MS eDrive (IEEE1667)	Class 0 (AES 256), TCG/Opal v2.0, MS eDrive (IEEE1667)
გადაწერები	1200 ტბ (2 ტბ)600 ტბ(1 ტბ)300 ტბ (500 გბ)150 ტბ (250 გბ)	1200 ტბ (2 ტბ)600 ტბ (1 ტბ)300 გბ (500 გბ)150 ტბ (250 გბ)
გარანტია	5 – წელი	5 – წელი

250 – 500 და 1 ტერაბაიტიანი ვერსიები უკვე თებერვალში იქნება ხელმისაწვდომი ხოლო 2 ტერაბაიტიანი მოდელი გაყიდვაშ აპრილიდან შემოვა. სავარაუდო საცალო საწყისი ფასი 250 ლარი იქნება.