Microsoft-მა Bing Image Creator გამოუშვა

Microsoft-მა დაამატა Bing Image Creator ფუნქცია, რომელიც ტექსტისგან სურეთებს ქმნის თავისი Bing chatbot-ისთვის. სერვისი ეფუძნება DALL-E ნეირონული ქსელის გაფართოებულ ვერსიას OpenAI-სგან.

Microsoft-მა განმარტა, რომ Bing Image Creator სურათებს ჯერჯერობით მხოლოდ ინგლისური ტექსტიდან ქმნის. კომპანია გეგმავს ამ ინსტრუმენტზე წვდომის გახსნას სხვა ენებზეც. გამოსახულების გენერატორი ასევე ხელმისაწვდომი იქნება Edge ბრაუზერში გვერდითა ზოლში არსებული ხატულის ან ცალკე ბმულის მეშვეობით.

„სურათის ტექსტური აღწერილობის შეყვანით, დამატებითი კონტექსტის მიწოდებით, როგორიცაა პერსონაჟის მდებარეობა ან პროფესია, და ხელოვნების სტილის არჩევით, Image Creator შექმნის გამოსახულებას თქვენი საკუთარი წარმოსახვით“, – დააზუსტეს დეველოპერებმა.

Bing chatbot-ში Bing Image Creator ხელმისაწვდომია კრეატიული რეაგირების რეჟიმში. ამ ვარიანტს აქვს შეზღუდვები. სერვისი არ ქმნის პოტენციურად საშიშ ან ეთიკურად აკრძალულ სურათებს.