SpaceX გახდა მსოფლიო მონოპოლისტი კომერციული რაკეტების გაშვებაზე

SpaceX ფაქტობრივად გახდა გლობალური მონოპოლისტი კომერციული რაკეტების გაშვების ბაზარზე, წერს The Wall Street Journal.

სატელიტური ოპერატორები და მთავრობები სულ უფრო ხშირად მიმართავენ SpaceX-ს თანამგზავრების ორბიტაზე გადასაყვანად. ეს შესაძლებელი გახდა მრავალჯერადი გამოყენების რაკეტების დიდი ფლოტის წყალობით, რომლებიც უფრო ეფექტურია ვიდრე კონკურენტები და მათი გაშვება იაფია.

2023 წლის პირველ ექვს თვეში SpaceX-მა დაასრულა 21 გაშვება თავისი მომხმარებლებისთვის, რაც მთელ მსოფლიოში ფრენების 64%-ს შეადგენს.

SpaceX-მა ასევე გაზარდა კოსმოსური გაშვებების ფასები. გასულ წელს ერთი კილოგრამი ტვირთის გაშვება 5000 დოლარი დაჯდა, წელს კი უკვე 6500 დოლარია.

Deutsche Bank-ის მონაცემებით, 2022 წელს ყველა კომერციული რაკეტის გაშვების გლობალური ბაზარი შეფასდა 8 მილიარდ დოლარად. მოსალოდნელია, რომ 2025 წლისთვის ის 13 მილიარდ დოლარამდე გაიზრდება.