It’s Glowtime: Apple-ის ოქტომბრის პრეზენტაცია 9 სექტემბერს შედგება

Apple-მა გაჯეტების საშემოდგომო პრეზენტაცია დაგეგმა. ღონისძიება გაიმართება კომპანიის შტაბ-ბინაში წყნარი ოკეანის დროით 10:00 საათზე (თბილისის დროით 21:00 საათზე). მოსალოდნელია, რომ Apple წარმოადგენს iPhone 16 სმარტფონების სერიას.

პრეზენტაცია გაიმართება სლოგანით “It’s Glowtime” (ინგლ. დროა იბრწყინო). ყურადღების ცენტრში მოექცევა iPhone-ის განახლებული თაობა. ზუსტი მონაცემები ჯერ არ არის, მაგრამ ინსაიდერები ვარაუდობენ, რომ მოწყობილობები შემდეგ მახასიათებლებს მიიღებენ.

iPhone 16 და iPhone 16 Plus:

• A18 პროცესორი 8 გბ ოპერატიული მეხსიერებით;
• პროგრამირებადი Action ღილაკი კლასიკური ხმის გადამრთველის ნაცვლად;
• კამერის ფიზიკური ღილაკი;
• ახალი ფერები: ცისფერი, ვარდისფერი, მწვანე, შავი და თეთრი.

iPhone 16 Pro და iPhone 16 Pro Max:

• A18 Pro პროცესორი;
• კამერის ფიზიკური ღილაკი;
• ხუთმაგი ზუმის მქონე კამერა iPhone 16 Pro-ში;
• ახალი ბრინჯაოსფერი და კლასიკური ფერების უფრო ღრმა ტონები.

სმარტფონების გარდა, მოსალოდნელია Apple Watch Series 10 ჭკვიანი საათების ანონსი ორ ზომაში: 45 და 49 მმ. მოწყობილობები იქნება უფრო თხელი, ვიდრე ამჟამინდელი მოდელები და ექნებათ ახალი სენსორები, რომლებიც პასუხისმგებელნი არიან გაფართოებულ ჯანმრთელობის ფუნქციებზე. არსებობს ალბათობა, რომ წარმოადგენენ განახლებულ Apple Watch Ultra-საც უფრო მძლავრი აპარატურით.