Samsung-მა წარადგინა Galaxy XR ჩაფხუტი

მოწყობილობა უკვე გაყიდვაშია აშშ-სა და სამხრეთ კორეაში.

Samsung-მა შეიმუშავა Galaxy XR შერეული რეალობის გარნიტურა Google-თან ერთად — ეს არის პირველი ასეთი მოწყობილობა, რომელიც მუშაობს Android XR და Gemini ოპერაციულ სისტემაზე,

ის აღჭურვილია micro-OLED ეკრანით 4K რეზოლუციით და Snapdragon XR2+ Gen 2 პროცესორით Qualcomm-ისგან. ოპერატიული მეხსიერებაა 16 გბ, შენახვის მოცულობა — 256 გბ. Galaxy XR იწონის 545 გრამს. შედარებისთვის: Apple Vision Pro-ს წონა, მოდელის მიხედვით, შეიძლება იყოს 800 გრამამდე, აღნიშნავს გამოცემა. ბატარეის ხანგრძლივობა ერთი დატენვით — 2,5 საათი.

სმარტფონებისა და პლანშეტებისთვის განკუთვნილი მრავალი Android აპლიკაცია იმუშავებს Galaxy XR-ზე — მაშინაც კი, თუ დეველოპერები გარნიტურისთვის ცალკე ვერსიას არ შექმნიან.

Galaxy XR უკვე გაყიდვაშია აშშ-სა და სამხრეთ კორეაში 1799$
, რაც თითქმის ორჯერ იაფია, ვიდრე Vision Pro (3499$). კონტროლერი და ქეისი ცალკე იყიდება — თითოეული 249$.

Samsung-ისა და Google-ის გეგმებშია ასევე „საკმაოდ მალე“ გამოუშვან „ჭკვიანი“ სათვალეები Android XR-ზე.