Oracle-ის თანადამფუძნებელი ლარი ელისონი, Binance და Sequoia დაეხმარებიან მასკს ფულით, რათა იყიდოს Twitter

მასკი დაახლოებით 7,1 მილიარდ დოლარს მიიღებს 19 ინვესტორისგან, წერს Bloomberg აშშ-ის ფასიანი ქაღალდებისა და ბირჟების კომისიის (SEC) დოკუმენტებზე დაყრდნობით. მათ შორისაა Oracle-ის თანადამფუძნებლის ლარი ელისონის თრასთი (1 მილიარდ დოლარს უზრუნველყოფს), Binance კრიპტო ბირჟა (500 მილიონი დოლარი), Sequoia Capital ფონდი ($800 მილიონი) და სხვა.

Twitter-ზე გარიგების დახურვის შემდეგ , მასკი რამდენიმე თვის განმავლობაში კომპანიის აღმასრულებელი დირექტორის მოვალეობის შემსრულებელი იქნება, იტყობინება CNBC. 2021 წლის ნოემბრიდან სოციალურ ქსელს ხელმძღვანელობს პარაგ აგრავალი, რომელმაც შეცვალა ჯეკ დორსი.

ახალი ამბების ფონზე, Twitter-ის აქცია ნიუ-იორკის საფონდო ბირჟაზე 3,65%-ით გაიზარდა და 50,85 დოლარს შეადგენს .
მეწარმე დათანხმდა Twitter-ის ყიდვას 44 მილიარდ დოლარად 2022 წლის აპრილის ბოლოს. ამ თანხიდან მასკი თავდაპირველად გეგმავდა 21 მილიარდი დოლარის გამოყოფას პირადი სახსრებიდან კაპიტალის სახით, ხოლო 25,5 მილიარდი დოლარის სესხება ბანკებიდან.

გეგმის მიხედვით, გარიგება 2022 წლის ბოლომდე დაიხურება, რის შემდეგაც კომპანია კერძო გახდება.