აუქციონის შედეგები 800 მჰც სიხშირულ დიაპაზონში ამოწურვადი რესურსით სარგებლობისთვის

კომუნიკაციების ეროვნული კომისიის მიერ რადიოსიხშირული სპექტრით სარგებლობის ლიცენზიის მისაღებად გამოცხადებულ აუქციონში ჯეოსელმა გაიმარჯვა.

აღნიშნულ აუქციონში მონაწილეობის შესახებ განაცხადი კომისიაში მხოლოდ ჯეოსელმა წარადგინა. 800 მჰც სიხშირულ დიაპაზონში ამოწურვადი რესურსით სარგებლობისთვის, გამარჯვებულმა კომპანიამ საქართველოს ცენტრალურ სახელმწიფო ბიუჯეტში 25 391 303.00 ლარი უნდა გადაიხადოს.

შესაბამისი სალიცენზიო პირობებით ლიცენზია ჯეოსელმა 15 წლის ვადით მიიღო.